انا شعرى الحمد لله طويل وناعم مافيهوش اى مشكلة

لون شعرى اسود ليل فحبيت اغير اللون ورحت لصالون كبير ومعروف

وغيرلى لون شعرى للون الزيتونى

طبعا اول مادخلت البيت جوزى واخواتى فضلو يضحكو علية

وقالولى بقيتى شكل الاجانب

طيب فين المشكلة المشكلة ان شعرى بعد اول غسلة لونة اتغير

وبقى ناشف موووووت وخشن وتانى غسلة بقى زى الزفت ناشف

ونصف شعرى تساقط والله العظيم وانا بغسل شعرى

بنصدم من كمية الكتل اللى بتنزل من راسي

غير التقصف الفظيع بقى شعرى اللى الكل بيحلف بية

مستغرب ويقولولى انتى هببتى اية فى شعرك دة بقى خفيف اوى

وكلو مكسر وخشن المهم انا رحت جايبة المقص وخليت ماما تقص

نصف شعرى بالظبط

وبعدين استخدمت الجاز اول مرة شعرى برضو بقى بيقع اوى

تانى مرة برضو بيقع اوى

ثالث مرة وقف التساقط بنسبة كبيرة

وبعدها وقف التساقط خالص وبعدها شعرى رجع زى ماكن واحسن

وبقى يطول يوم بعد يوم والتقصف انتهى والنعومة حرير

ودلوقتى شعرى بقى لحد قبل اخر ظهرى بشوية

والشعر المنبت طول عندى بقى اد شبر او اقل بشوية

شكر وتقدير للجاز الحلو الجميل اللى غير شعرى بالطريقة دى

بقول لكم على موقف حلو اوى حصلى

طبعا قلت لاخوية عايزة جاز راح اشترالى جاز من السوق لونة

وحش اوى وكلو غبار ووساخة

المهم قلت له لا ده وحش ماينفعش

وراح مرة تانية وجابلى نفس النوع

المهم قلت له لاااااا انت مش بتعرف تجيب جاز نظيف

انا طبعا شغلت عربيتى ورحت السوق

ورحت للراجل بتاع المنظفات وقلتلو عايزة جاز نظيف ولونة ذهبى

الراجل بصلى باستغراب وقالى نعم يافندم

المهم قلت له طيب ورينى الجاز اللى عندك الراجل ورهونى

وانا قلت له لا انا عايزة نوع نظيف دة وسخ وكلو غبار

الراجل قالى دا انتى مدلة البلاط بتاعكم اوى يافندم

طيب خدى فنيك او ديتول دول بتوع الناس الاتيكيت

قلت لا انا عايزة الجاز للاستخدام الشخصى

الراجل فطس على نفسو من الضحك قالى انتى بتستحمى بالجاز ولا اية

طبعا لما حكيت لو حكاية شعرى صعبت علية وراح قايلى روحى

البنزيمة بيدوكى جاز نظيف وابن ناس

غير الجاز اللى عندنا ورحت طالعة على البنزيمة وادونى جاز لونة تحفة

وريحتو فعلا جاز ابن ناس

واول ماخت الجاز رحت البيت وانا فرحانة وهموت من الفرح

وانا بقفل باب العمارة ازازة الجاز وقعت من الكيس وكلها ساحت على الارض

وراح تعبى وعذابى على الفاضى

بس تانى يوم بعت اخوية وجابلى نفس الجاز واستخدمتو

ومن يومها والجاز حبيب قلبى موجود فى الحمام عندى للاستخدام الشخصى

دلوقتى بقول لكم على طريقة استخدامى للجاز

4 معالق جاز حلو ابن ناس

مع 4 معالق زيت اكل اى نوع

بخلطهم مع بعض وافرك بيهم فروة راسي لمدة 10 دقائق

وبحط الباقى على شعرى كلو ولو لقيت شعرى محتاج بكتر الكمية بالتساوى

واسيبو على شعرى ساعتين وبعدين اشطفو بالماء واغسلو بشامبو فاتيكا او غيرانية

واعملو حمام كريم فاتيكا الطريقة دى مرة واحدة فى الاسبوع

ولو غسلت شعرى فى اى يوم خلال الاسبوع

بحط فى حمام الكريم ملعقتين جاز والبس الكيس واسيبو ربع ساعة

وبعدها اشطف شعرى بدون استخدام الشامبو

منقول للافاده