لماذا نحن نتكبر فى الاعتذار؟؟؟؟

السلام عليكم ورحمه الله وبركاته

موضوعى اليوم سائر فى مجتمعنا هذا والاغلبيه يتصرف على اساسه وهو(لماذا نتكبر فى الاعتذار؟) والحقيقه انا لا اعرف لماذا


لماذا نحن نتكبر فى الاعتذار لاحد ونشوفها انها عيبه فى حقنا وعلى الرغم من اننا نكون غلطانين


ليه كل واحد منا بيشوف انه هو على حق وان الثانى هو الغلطان وانى الصح والآخر خطأ


وليه لما يكون أثنين زعلانين من بعض ما يحاولوش ان يفهموا بعض ويتناقشوا مع بعض ويشوفا الصح من الغلط مين على حق ومين على باطل


وليه كل واحد منهم يقول خلاص كدا انت حر او يقول خلى كل واحد على كيفه وانا مش خسران حاجه بل بالعكس ان الكل هنا بيخسر


ليه ما نقول لنفسنا ان لو فى حد باقى على حد يروح يصالحه حتى لو ما كان غلطان


وليه كل واحد فينا يقول هو اللى يعتذر لانه هو اللى غلطان ليه بنعمل كدا بس مش شرط ومن الممكن انى اروح واقوله انت ليه غلط فيا


وافهمه غلطه ودا لو كان غلطان ونحاول نصالح بعض ومع العلم ان اسرع طريق لتفهم الموضوع بينا هو الصلح من الداخل قبل الخارج


وليه كل واحد فينا يقول انى انا الكبير ولازم هو اللى يعتذر مع ان الصغير من الممكن انه مايكنش غلطان فيه


وليه الزوج يقول انا الراجل وان الزوجه هى اللى تعتذر مع انها ممكن ما تكون غلطانه فيه


ليه ما يكون فيه تفهم واحترام للاوضاع ما بنهم


وليه الابنه او الابن يزعل من والده او والدته حتى ولو اتكلم على مصلحته ويقول انا مش غلطان وانا الصح وانا اللى زعلان ونساوى نفسنا بيهم


وهم اللى يعتذرولى مش انا ولكن احنا لو فكرنا لقدام هنلاقى احنا اللى هنتحاسب عند ربنا مش هما


وليه مانحولش نسامح بعض ونفهم بعض ونحترم بعض والصديق يحترم صديقه والاخ يحترم اخوه والزوج يحترم زوجته والزوجه تحترم زوجها


والابن او الابنه تحترم والده ووالدته والاب والام يحسسوا اولادهم بالحب والحنيه


وياريت ننسى كل حاجه ونفتح صفحه جديده مع بعض ونعتبر اللى فات مات زى ما بيقولوا ونتسامح مع بعض ونحترم الآخرين


ونقول اللى ما ارضاهوش على نفسى لا ارضاه لغيرى


وانا بجد بقول الكلام دا من واقع الحياه اللى احنا عايشين فيه مش من خيالى


ونسال الله لكم التوفيق ان شاء الله