طريقه وضع كول تون 2010

إيه التغيير اللى حصل فى طريقة عمل الكول تون؟؟


الطريقة أتغيرت للى ماعندهوش كول تون فى الوقت الحالى وبس،
لكن اللى عنده كول تون حاليا الطريقة القديمة زى ماهى



التغيير اللى حصل..هو أنك لما تتصل ب9999 بتلاقى أختيارين بس.. مافهمش أختيار أدخال كود الاغنية


وبكده هاتتكلف كتير علشان توصل للاغنية اللى أنت عايزها و ممكن ما توصلش خالص




إيه هو الحل ؟؟ (لو أنت حاليا ما عندكش كول تون)


هتختار أى أغنية ممكن تكون مش عايزها من قائمة أحدث الأغانى و الألبومات
و بعد كده و فى نفس المكالمة دوس 0 علشان ترجع للقائمة الرئيسية و ساعتها هتلاقى الاختيار رقم 3 بتاع أدخال كود الأغنية ظهر و تختار الأغنية اللى أنت عايزها


أو ممكن تكون الأغنية اللى أنت عايزها ديه فى قائمة أحدث الأغانى و الألبومات و تختارها عالطول




والحل ده هيتعمل أزاى بالتفصيل؟؟ (لو أنت حاليا ما عندكش كول تون)


إتصل بـ9999


دوس 1 للغة العربية ثم دوس 1 لتأكيد اللغة العربية ثم 1 لتأكيد اللغة تانى


ثم أختار


1 لخدمة الإشتراك الشهري (الاغنية بتتجدد تلقائيا كل شهر ب2 جنيه بس بدون الحاجة للاتصال)


أو 2 للمحاسبة بالدقيقة (الخدمة هتقف بعد شهر وعلشان تعيد تشغيلها لازم تتصل مرة تانية)


ثم دوس 2 للتأكيد على نظام الدفع اللى أختارته



وعلشان تختار أى أغنية (أختيار عشوائى)


دوس 1 لقائمة أحدث الأغانى و الألبومات
ثم 3 لأختيار أحدث ألبوم
ثم 3 لأختيار أول أغنية فى الألبوم


هتسمعك أغنية.. فحاول تتخطاها بالضغط على رقم 1 لتأكيد الأغنية


فهتلاقى الأغنية أتحملت و تم ظبط الرنة بنجاح و هيسمعها كل المتصلين بك طول اليوم



أو علشان تتنقل بين الألبومات الحديثة و أغانيها لربما تلاقى الأغنية اللى بتدور عليها


دوس 1 لقائمة أحدث الأغانى و الألبومات
ثم 1 للألبوم اللى قبل كده أو 2 للى بعد كده و بعدين 3 لأختيار الألبوم
ثم 1 لأغنية الألبوم اللى قبل كده أو 2 للى بعد كده و بعدين 3 لأختيار الأغنية


هتسمع الاغنية اللى انت أختارتها.. فحاول تتخطاها بالضغط على رقم 1 لتأكيد الأغنية


فهتلاقى الأغنية أتحملت و تم ظبط الرنة بنجاح و هيسمعها كل المتصلين بك طول اليوم




الطريقة العادية: (للى عنده كول تون حاليا وعايز يغيره أو يجدده ، وللى ما كنش عنده و أختار أى أغنية عشوائية بأتباع الخطوات السابقة)


أتصل ب9999 (أو فى نفس المكالمة للى ما كنش عنده كول تون وأختار أى أغنية عشوائية.. كل اللى عليك دلوقتى دوس 0 للعودة للقائمة الرئيسية)


ثم دوس 3 لادخال كود الاغنية
دخل الكود ثم دوس 1 لتأكيده


هتسمع الاغنية اللى انت أختارتها و حاول تتخطاها بالضغط على رقم 1 لتأكيد الأغنية


فهتلاقى الأغنية أتحملت لوحدها ثم دوس 1 لضبطها لكل المتصلين وطول اليوم


هتلاقى تم ضبط الرنة بنجاح


أقفل الخط و فى خلال 5 دقائق هتلاقى الرنة الجديدة نزلت




إيه الحد الأدنى لتكلفة عمل موبينيل كول تون؟؟


1) لو انت ما عندكش كول تون شغال حاليا و أخترت أغنية عشوائية ثم أخترت أغنيتك المفضلة هاتتكلف حوالى 3 دقائق (4.5 جنيه) بحد أدنى


2) لو انت ما عندكش كول تون شغال حاليا و أخترت أغنيتك المفضلة من قائمة أحدث الأغانى و الألبومات هاتتكلف حوالى دقيقتين (3 جنيه) بحد أدنى


3) لو عندك كول تون و عايز تغيره أو تجدده هاتتكلف حوالى دقيقة واحدة بس (1.5 جنيه) بحد أدنى




ملاحظات هامة:


1) الاكواد الجديدة موجودة فى موقع موبينيل
Mobinil - personal - Mobinil services - Call Tones


وخد بالك: أن أى أكواد قديمة.. إما تيجى تدخل الكود بتاعها..هتقولك الكود غلط


2) حاول تكون سريع فى أختيارك
بمعنى أنها أول لما تخلص كلامها تختار عالطول..
علشان لو خلصت كلمها وفات ثوانى وجيت تختار هتقولك من فضلك دخل أختيارك
ولو قالت كده 3 مرات ورا بعض.. الخط هيقفل وهتضيع المكالمة عليك عالفاضى