وصيــيه زعيـــمــنـــــا

التفت الأسرة حول فراش الزعيم وهو يلفظ أنفاسه الأخيرة..

قال الزعيم بصوت ضعيف ولكنه حازم فى نفس الوقت
حسنى: كلكم موجودين
سوزان: أيوه ياحسنى ... أنا جنبك أهه ... وأدى جمال وعلاء ... قمرين دول ولا عينين
حسنى: طب إسمعوا اللى حقوله كويس
جمال: سامعينك يابابا ... إتكلم
حسنى: مصر دى كنز ياولاد
... إمكسوا فيها بإيديكم وسنانكم ... بنسرق فيهابقالنا سنين وسنين ولسه بتدينا
علاء: هيا دى البركة اللى بيقولوا عليها يابابا
ويقول لكم أبوكم كان مستلف منى فلوس تفوا فى وشه على طول
علاء: إطمن يابابا .... حرامى على حرامى ما يلعبش
حسنى: أنا سيبت لكم ياولاد اللى يكفيكم إنتوا وعيالكم وعيال عيالكم ويفيض
.......فلوس متلتلة متتعدش ..... مش حقول لكم حافظوا عليها وبس
... لآلآلآلا زودوها كمان وكمان لجل ما روحى ترتاح وأنا فى تربتى
جمال: هيا الفلوس اللى إنته عملتها يابابا دى بتسميها فلوس
.... شفنى أنا وعلاء حنعمل إيه .... ولا صحيح حتشوفنا إزاى .... عموماً ما تقلقش
حسنى: ودلوقتى إسمعوا وصيتى ..... الحكم لأولاد مبارك
......... لازم أول ما جمال يحلف اليمين تغيروا إسم مصر وترجعوه زى ما كان
زمان أيام الملك فاروق والملكة نازلى (المملكة المصرية)
جمال: مفهوم يابابا ... خش فى اللى بعده
حسنى: الجيش والشرطة والأزهر ... أوعوا واحد من التلاته دول يخرج عن طوعكم أبداً
علاء: مفهوم برده ... اللى بعده .... ياساتر ده إنته ملل.
سوزان: عيب ياعلاء لما تكلم أبوك كده
علاء: بهزر ياماما
حسنى: الهرم لأم العيال ... ليكى ياسوزان بعد ما خدمتينى بتفانى وإخلاص طول السنين دى
سوزان: هرم ! .... هيا دى آخرة صبرى ! ...... وده يسوى كام ده
علاء وهو يمسك بالألة الحاسبة : يسوى كتير ياماما ... لو تحبى أتصرف لك فيه ممكن يعمل معاكى مبلغ كويس
سوزان: مش حرضى باأقل من التلات أهرامات وأبو الهول
حسنى: مش خسارة فيكى ياغالية .... أثار النوبة لعلاء .... والأقصر لجمال .........ودلوقتى نيجى للميه .... الساحل الشمالى لعلاء والبحر الأحمر لجمال وقناة السويس تخصصوا دخلها صدقة جارية على روحى
سوزان: إنته أكيد مخبول ... مليار ونص دولار صدقة جارية على روحك
جمال: ما تاخديش على كلامه ياماما .... ده يبقى كتير لو طلعنا 100 ولا 200 جنيه على روحه للفقرا
علاء وهو يمسك بالألة الحاسبة: ممكن نطلع لحد ألف جنيه ياجمال ... السيول

وصية حسني مبارك - 2 -)

حسنى: أوعوا تفرطوا فى حبيب العادلى من بعدى ياولاد
…. حبيب قلبه ميت وإيده طرشه
……. وهوه ده اللى ينفع مع الغجر اللى هنا
جمال: بس ما بيعجبنيش شنبه يابابا
حسنى: إنته مالك ومال أم شنبه …… إحنا بنشترى مجرم
جمال: أعاهدك يابابا إنى حخليه معايا ومش حفرط فيه أبداً
حسنى: الشيخ طنطاوى ياولاد راجل بركة
….. يمين يمين شمال شمال
……… أوعوا تفرطوا فيه
….. بس ما تخلوهوش يصلى عليا
لأني بصراحة مش متأكد إن كان ربنا حيقبل منه ولا لأ
علاء: ولا يهمك يابابا
…. حخلى أنكل كمال الشاذلى يصلى عليك
حسنى: والله لو عملتها ياعلاء
لكون متبرى منك إلى يوم الدين
علاء: بهزر معاك يابابا

حسنى: أيوه يابنى ..... ربنا يبارك لكم ولعيالكم فيها ... ودلوقتى إسمعونى
علاء: إنته على الهوى يابابا ... إتكلم
حسنى: أنا مش مديون لحد ياولاد
... يعنى أى واحد يصيع عليكم
….. أنكل كمال مش حافظ الفاتحة
حسنى: المشير طنطاوى ياولاد
…… مش حوصيكم عليه
….. الراجل ده عامل زى الست المستحية
…. حاطط وشه فى الأرض على طول وعمره ما استجرى يرفع عينه فيا
… وفى نفس الوقت ماسك الجيش بإيد من حديد
سوزان: هوه فعلاً خجول وكل ما يشوفنى ما يقوليش غير ياست هانم
…. إبقى خليه معاك ياجمال
جمال: حاضر ياماما
حسنى: عايز جنازتى ياولاد الناس تحكى وتتحاكى عنها
……. هاتوا المخرج الإيطالى ده اللى إسمه مكافيللى يصورها
علاء وهو يمسك بالألة الحاسبة: هوه حيكلفنا كتير
… لكن ممكن فى الأخر نلم مبلغ معقول لو خلينا شركة أجنبية تحتكر حق توزيع الفيديو فى أوروبا وأمريكا
حسنى: عايز أحلى مدفع يشيل النعش ياولاد
جمال: مدفع رشاش
سوزان: الهزار مش فى الحاجات دى ياجمال
جمال: آسف ياماما
حسنى: عايز أدفن فى شرم الشيخ ياولاد جنب أولمرت وشارون
علاء: بلاش كفر مصيلحة يعنى
حسنى: لأ كلها براغيت ياعلاء …. وإسم شرم الشيخ كمان أشيك بكتير

انا مليش دعوه والله لدودونا فى داهيه وامن دوله وسياسه وانا اول واحد هبيعكو بما فيكو هدير ههههههههههههههه أل سيايه هوا انا ناقص هههههههه بهزر طبعا

هههههههههههههههههههههههههههههههههههههههههههههههه مش تخافو انتو نسيتو انى محاميه ولا ايه
هههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههه
ياه دلوقتى نقدر نشتم فى مبارك وكل اللى نفسنا فيه ببرحتنا
خلاص المخطط لتولى جمال الحكم انتهى
موضوع مضحك اوى وجميل جدا

هههههههههههههههههههههههه تسلم يا جميل علشان تعرفوا كان عندى امل فى الى هيحصل

لا لا كلنا كان عندنا امل فى ثورة شعبية
بس كنا بنخاف نتكلم
كلنا طلعنا فى المظاهرات
وانا واحد من الناس كان نفسى اموت فى المظاهرات
بس اكتشفت ان دلوقتى زى ما فى ناس ماتت لاجلنا
احنا من اجلهم هنشتغل عشان نحقق اللى ماته عشانه
الامل دلوقتى بقى اكبر بكتير

اكيد طبعا